«Табиғат – адамзатқа аманат» жас өлкетанушылар, экологтар мен табиғат зерттеушілерінің облыстық форумы

 «Ақмола облысы білім басқармасының туризм, дене шынықтыру және алғашқы әскери және технологиялық дайындық орталығы» КММ Сандықтау ауданы Сандықтау а. «Жас дәурен» жыл бойы жұмыс істейтін балалар сауықтыру орталығында «Табиғат – адамзатқа аманат» жас өлкетанушылар, экологтар мен табиғат зерттеушілерінің облыстық форумын өткізді.

Форумға Атбасар, Ақкөл, Аршалы, Біржан сал, Бурабай, Жақсы, Жарқайың, Есіл, Сандықтау аудандары мен Көкшетау, Степногорск қалаларынан 67 бала қатысты.

             Қатысушылар облыстық форумның 6 номинациясы бойынша өз жұмыстарын қорғап шықты.

1. «Ақмола облысының флорасы мен фаунасының 3D атласы» номинациясы – жас экологтардың 3D атласты қорғауы. 

2.  «Zhasyl El» номинациясы – зерттеу жобаларының байқауы келесі бағыттар бойынша өткізіледі: қалалық орта экологиясы, әлеуметтік экология, адам экологиясы – ауаның, көліктің, көгалдандырудың және т. б. ластану мәселелерін шешу жолдары; инновациялық «жасыл» жобаларды әзірлеу, енгізу, ынталандыру және насихаттау .

 3.  «Eko-Bolashak» номинациясы – көркейту, көгалдандыру бойынша жүргізілген экологиялық жұмыстар, өткізілген экологиялық акциялар, жылыжай, мектеп жанындағы оқу-тәжірибелік телімдер, мектеп орман шаруашылығы бойынша видеороликтер презентациясы.           

  4. «GREEN OASES» номинациясы – ландшафтық жобалар байқауы, мектеп ауласының, балабақшаның немесе басқа білім беру ұйымының ландшафттық дизайны:

 5. «Экотеатр» номинациясы – экология туралы шағын спектакльдермен сырттай бейнероликтер байқауы.     

6. «Туған өлкенің бояулары» графикалық суреттердің сырттай байқауы  – электрондық экологиялық ашық хат.