«Облыстық пікір – сайыс» турнирінің қортындысы

Ақмола облысы білім басқармасының «Ақмола дарыны» дарынды балалар мен талантты жастарды анықтау орталығы а.ж. 30 – 31 қаңтар күндері аралығында Сандықтау ауылының Жас дәурен жыл бойы балалар сауықтыру лагерінде студент жастардың арасында облыстық пікір – сайыс турнирін өткізді. Турнирдің басты мақсаты студент жастардың бойында патриотиз мен азаматтықты қалыптастыру, қоғамда орын алған проблемаларды талқылау және талдау арқылы білім алушылардың әлеуметтік және шығармашылық белсенділігін арттыру, нақты проблемаларды шешу жолдары мен тетіктерін қалыптастыру, пікір – сайыс қозғалысын дамыту және қолдау. Облыстық пікір – сайыс турниріне Есіл қаласы «Агротехникалық колледжі», Зеренді ауданы Шағалалы ауылының  «Жоғары агротехникалық колледжі» , Көкшетау қаласы «Жоғары қазақ гуманитарлық – техникалық колледжі», Атбасар қаласы «Агро – индустриалдық колледжі», Сандықтау ауданы Каменка ауылының «Агротехникалық» колледжі, Көкшетау гуманитарлық – техникалық колледжі, Көкшетау қаласы, «Біржан сал атындағы музыкалық колледжі», Щучинск қаласы «Жоғары орман шаруашылығы, экология және туризм колледжі», Көкшетау қаласы «Ақан сері атындағы жоғары мәдениет колледжі», Қатаркөл ауылы «Ауыл шаруашылық колледжі», Көкшетау қаласы «Жоғары медициналық колледжі», Көкшетау қаласы Ж.Мусин атындағы педагогикалық колледжі, Көкшетау қаласы «Арна» жоғары колледжі, Щучинск қаласының жоғары педагогикалық колледжі, Астрахан ауданы «Агротехникалық колледжі». Жалпы 22 команда 44 студент қатысты.