«Техникалық шығармашылық және өнертапқыштардың» (әуе, зымыран, көлік, кеме құрастыру) облыстық байқауы

Ақмола облысы білім басқармасының «Ақмола дарыны» дарынды балалар мен талантты жастарды анықтау орталығы 2024 жылдың 16-17 мамыр күндері аралығында «Ақмола облысы білім басқармасының жанындағы жыл бойы балалар сауықтыру лагері» базасында «Техникалық шығармашылық және өнертапқыштардың» (әуе, зымыран, көлік, кеме құрастыру) облыстық жарысын өткізді. Жарыстың мақсаты: балалардың техникалық шығармашылығын дамыту, тұлғаның шығармашылық құзыреттілігінде бәсекелестік артықшылықтарын қалыптастыру, білім алушылардың өзін-өзі кәсіби анықтауы үшін жағдай жасау. Облыстық байқауға Аршалы, Бурабай, Шортанды, Целиноград аудандарынан және Көкшетау қаласынан, барлығы 24 өнертапқыш «Радиомен басқарылатын көлік модельдері», «Тікелей жүретін автомодельдер» (жартылай көшірме), «Әуе модельдері», «Кеме модельдері», «Зымыран модельдері» номинациялары бойынша өз жұмыстарын белсенді қорғады.